Capital Insight

Онцлох ишлэл

"8-р сарын байдлаар МХБ-ийн ТОП-20 индекс дэх 20 компанийн дундаж үнэ ашгийн харьцаа 21.3 байна."
- Г. Алтангэрэл
Ти Ди Би Секьюритис ҮЦК
Брокер

Онцлох шинжилгээ

*Зах зээлийн тоо мэдээ Баасан гарагийн хаалтын ханшаар болно

8-р сарын байдлаар МХБ-ийн ТОП-20 индекс дэх 20 компанийн дундаж үнэ ашгийн харьцаа 21.3 байна. Дундаж харьцаа утгаас доогуур үнэ ашгийн харьцаатай 16-н компани байгаагаас Ард Даатгал ХК /MSE:AIC/, ЛэндМН ББСБ ХК / MSE: LEND/-ийн харьцаа утга хамгийн бага байгаа бол Монгол шуудан ХК /MSE: MNP/, Ард санхүүгийн нэгдэл ХК /MSE: AARD/-ийн үнэ ашгийн харьцаа дундаж утгаас хэт өндөр байна.

Хувьцааны зах зээл

*Зах зээлийн тоо мэдээ Баасан гарагийн хаалтын ханшаар болно

МОНГОЛ УЛСЫН ЗАХ ЗЭЭЛ: Монгол улсын хувьцааны зах зээл 7 хоногт бууралттай байлаа. Тодруулбал, Монголын Хөрөнгийн Биржийн (МХБ) Топ 20 индекс 34,486.14 нэгжид хүрч, 1.48%-иар буурсан. МХБ дээр 7 хоногт нийт 1.63 тэрбум төгрөгийн үнийн дүн бүхий арилжаа хийгдсэн.

АНУ-ЫН ЗАХ ЗЭЭЛ: АНУ-ын хувьцаанууд 3-н 7 хоног дараалж буураад байсан бол өнгөрөгч 7 хоногт өсөлттэй байлаа. Хөрөнгө оруулагчид АНУ-ын хувьцааг авч эхэлсэн нь инфляц буурах шинж тэмдгүүд ажиглагдаж эхэлсэнтэй холбоотой байв. Газрын тосны үнэ ОХУ, Украин хоорондын мөргөлдөөн эхэлснээс хойших хамгийн доод үнэдээ очсон. Үүний нөлөөгөөр "S&P 500" индексэд эрчим хүчний салбарын хувьцаанууд муу гүйцэтгэлтэй байлаа.

ЕВРОПЫН ЗАХ ЗЭЭЛ: Европын зарим улс орнууд эрчим хүчний сөрөг нөлөөг арилгах төлөвлөгөө танилцуулж, эдийн засгаа идэвхжүүлэх талаар мэдэгдсэн нь 7 хоногт Европын хувьцаанууд өсөлттэй байхад нөлөөллөө. "STOXX Europe 600" индекс 1.06%, "Germany’s DAX" индекс 0.29%, "France’s CAC 40" индекс 0.73%, "Italy’s FTSE MIB" индекс 0.79%, "UK’s FTSE 100" индекс 0.96% тус тус өссөн.

ЯПОН УЛСЫН ЗАХ ЗЭЭЛ: Япон улсын хувьцааны зах зээл 7 хоногт өсөлттэй байлаа. "Nikkei 225" индекс 2.04%, "TOPIX' индекс 1.83% тус тус өсөлттэй хаагдсан.

БНХАУ-ЫН ЗАХ ЗЭЭЛ: БНХАУ-ын хувьцаанууд инфляц буурах төлөв болон засгийн газраас эдийн засгийн дэмжих арга хэмжээ авч байгаатай холбоотойгоор 7 хоногт өсөлттэй байлаа. "Shanghai Composite" индекс 2.4% "CSI 300" индекс 1.7%-иар тус тус өсөлттэй хаагдсан.

Бондын зах зээл

*Зах зээлийн тоо мэдээ Баасан гарагийн хаалтын ханшаар болно

МОНГОЛЫН ХӨРӨНГИЙН БИРЖ: Компанийн бондын хоёрдогч зах зээлийн арилжаанд нийт 1,755 ширхэг бондыг нийт 180.26 сая төгрөгөөр 7 хоногт арилжаалсан. төгрөгөөр 7 хоногт арилжаалсан.

ОЛОН УЛСЫН БОНДЫН ЗАХ ЗЭЭЛ: Европын төв банк өндөр инфляцыг хянахаар бодлогын хүүгээ өндрөөр өсгөх хүлээлттэй холбоотойгоор АНУ-ын 10 жилийн хугацаатай Засгийн Газрын Үнэт Цаасны (ЗГҮЦ) өгөөж Мягмар гарагт өссөн. Энэ нь 6-р сарын дунд үеэс хойших хамгийн өндөр өгөөж болсон. (Бондын үнэ болон өгөөж нь эсрэг чиглэлд хөдөлдөг.)

Тоон үзүүлэлтүүд

Эдийн засгийн мэдээ

ОХУ-ын эдийн засаг дайны өмнөх үеийн түвшинд хүрэхэд 10 жил шаардагдаж магадгүй

 2022.09.07 

Тайланд дотоодын нийт бүтээгдэхүүний өсөлтийг гурван хувилбараар тооцоолон харуулжээ. Үүнээс хоёр хувилбар нь ирэх онд эдийн засгийн агшилт улам эрчимжинэ гэж үзсэн байна. Ингэснээр ОХУ-ын эдийн засаг дайны өмнөх түвшинд 10 буюу түүнээс дээш жилийн дараа л эргэн хүрэх магадлал өндөр байгаа аж.

Дэлгэрэнгүй

OPEС-ийн Өргөтгөсөн бүлэг X сард олборлох гарцаа 100 мянган баррелиар бууруулав

 2022.09.06 

OPEC-ийн Өргөтгөсөн бүлэг хуралдаж, аравдугаар сараас гарцаа өдрийн дүнгээр 100 мянган баррелиар бууруулахаар боллоо.

Дэлгэрэнгүй

Хувьцаат компанийн мэдээ

"ГЭРЭЛТ АССЭЙМООР КАПИТАЛ ҮЦК" ХХК МОНГОЛЫН ХӨРӨНГИЙН БИРЖИЙН ГИШҮҮНЭЭР ЭЛСЛЭЭ

 2022.09.08 

"Монголын хөрөнгийн бирж" ТӨХК-ийн Төлөөлөн удирдах зөвлөлийн 2022 оны 09 дүгээр сарын 02-ны өдрийн 14 тоот тогтоолоор "Гэрэлт ассэймоор капитал ҮЦК" ХХК-ийг Монголын хөрөнгийн биржийн гишүүн компаниар элсүүллээ.

Дэлгэрэнгүй

"ДАВААНБУЛАГ" ХК-ИЙН ХУВЬЦААГ МОНГОЛЫН ХӨРӨНГИЙН БИРЖИЙН БҮРТГЭЛЭЭС ХАСЛАА

 2022.09.06 

Монголын хөрөнгийн биржийн Гүйцэтгэх захирлын 2022 оны 09 дүгээр сарын 06-ны өдрийн А/95 тоот тушаалаар "Даваанбулаг" ХК-ийн 100 төгрөгийн нэрлэсэн үнэ бүхий 1,823,137 ширхэг хувьцааг бүртгэлээс хаслаа.

Дэлгэрэнгүй